صوره مشرفه لمصر......وعجبى

صورة مشرفة لمصر
==============

أثناء بحثي بين القنوات الفضائية طرقت أذني هذه العبارة

( صورة مشرفة لمصر )

فعدت أدراجي لأرى من قائل هذه العبارة

لربما يكون فيها بعض الأمل في هذا العهد الميمون

فإذا بي أفاجأ بأن قائلتها الراقصة ( دينا ) في برنامج لماذا الذي يقدمه طوني إلياس على قناة القاهرة و الناس

و قبل أن أحول القناة

دفعني الفضول لمعرفة من الذي تتحدث عنه

فكانت المفاجأة المذهلة

كانت تعني ذاتها بهذه الكلمة

تخيلوا

دينا تقول عن نفسها أنها صورة مشرفة لمصر

و قالت أنها عندما تذهب إلى مهرجانات الرقص الشرقي

يتم استقبالها من الحكومات هناك

ليس هذا فقط

بل و يتم فتح أبواب السفارة المصرية أيضا لها

كدت أغير القناة بعد سماعي لهذا الهراء

لكني فوجئت بطوني إلياس يسألها

إذا كان ابنها يخجل من كونها راقصة

و ضرب لها مثلا بمنة شلبي و كيف بكت عندما كانت في المدرسة عندما عايرها زملؤها بأن والدتها راقصة

و هل سيعيد التاريخ نفسه مع ابنها

قالت دينا : ( لأ . لأن العقول اتغيرت و التخلف قل )

التخلف قل

التخلف قل

وخدين بالكم من الكلمة

ثم كان السؤال الذي نزل علي كالصاعقة

هل تقبلين أن يتزوج ابنك راقصة

فجاءت الإجابة شبيهة بالغائط : ( طبعا . خصوصا لو رقاصة محترمة زيي كده )

لأي مستوى وصل بنا الحال

عندما توصف راقصة بالاحترام

و كيف وصل بنا الحال

عندما تكون الراقصة هي واجهة مشرفة لمصر

أي بذاءة و أي تخلف هذا ؟

هل وصل بنا الأمر هكذا ؟

مصر

بلد الأزهر

بلد العلماء

تصبح واجهتها المشرفة راقصة

حسبنا الله و نعم الوكيل

=====================

لكن هنا يبرز سؤال

أين الخلل ؟

هل الخلل في الدولة

أم في عامة الناس

أم العلماء ؟

هل هذا البرامج تعد من قبيل البرامج الموجهة التي تتحفنا بها الفضائيات

هل نصل معا لإجابة ؟؟

كل خطأ فى الدوله دية الايام دى

بسبب الشعب

الشسعب فقط

لأننا خلاص احنا اللى بنختار

بنختار عضو مجلس الشعب

ونرجع نقول ما عملش حاجه

نختار الرئيس

ونرجع ندعى عليه

بعا الرئيس مبارك يشكر على مجهوده الكبير ودا مش نفاق والله

الرئيس دا انا بأكن له كل احترام

كفى انه جعلنا لا نحارب او ندخل فى حرب لمدة 25 سنه كامله او اكتر

تحياتى له

لكن ارجع واقول طبعا ان اكتر الرؤساء قربا الى قلبى اكيد السادات

نرجع لموضوعنا

العيب فينا يا مصريه

واحنا بعون الله ان شاء الله

هنتغير عن قريب

عن قريب

وخليكى فاكره الكلمه دى

وهتقولى ايجيبشن قال اننا هنتغير

يسلمو على الموضوع الجميل

وخلينا كاتمين بقى والنبى

سلامو

مممممممممممممممم يالهوووووووووووى قلت كلام هموت وارد عليه ولو كان مش تمااااااااام ف الزمن دا
بس هرررررررررررررررد بقى
اولا طبعا الرئيس مبارك له مجهودات محدش ينكرها وانا كنت بقول ف الاول زيك كدا
ان كفايا اوى اننا مدخلناش حروب لمدة 25 سنه
ولللللللللللللللللكن طبعا بعد كدا عرفت انى كنت غلط وان الراى دا ساذج اوى ومعندوش بعد نظر
مسالتش نفسك احنا ليه مش بندخل حرب
ياترا عشان مفيش ولا دوله بتيجى علينا ولا بتستغلنا فبالتالى مش بنحارب
ولا ياترا عشان مفيش عدوان علينا من اى دوله حتى ولو عربيه
ولا ياترا عشان ان الوضع العام على العرب والاسلام مطمئب وبالتالى مش محتاجين نحارب
ياترا وياترا وياترا
ياااااابنى احنا لو مكناش بنحاوب ف دا عشان حاجه واحده بس اننا معندناش حد يجيب لنا كرامتنا
احنا بالظبط بنعمل زى النعام اللى بيحط راسه فى الرمل ومبيقفش اصاد اى خلل
انتا لو بتتكلم على الامان الى احنا فيه ف دا غلط لان اول سبب فيه انه بيخلينا نتنازل عن كرامتنا
تقدر تقولى امريكا واسرائيل لما كانوا بيبعتوا اسلحه ل فلسطين كانت بتعدى منين؟
كانت بتعدى من عندنا عارف ليه عشان مش قادرين نقول لأ
فبنتنازل عن كرامتنا ف سبيل منظرنا العام وان ميحصلش فى حرب
بالعكس السلام دا لو كان هيخلينا نتنازل عن كرامتنا يبقى نار الحرب اهون بكتير من السلام المنافق دا
تقدر تقولى ايه رايك ف الوضع ف فلسطين وافغانستان والعراق وغيرها وغيرهااا من البلاد الاسلاميه
تقدر تقولى المفروص واجبنا ايه اننا نقعد نعيط وخلاص
لا اننا نساعدها ونشارك معاها ونعلن الحرب عل العدو عشان احنا امه اسلاميه مش بتسكت على الباطل ومش بترضى بالنفاق ولا اليأس
دا اللى انا كنت اتمناه اننا ندخل حروب لكن كرامتنا تفضل متصانه ومحفوظه ادام كل العالم
صدقنى احنا مقصرين اوى اوى ورئيسنا مسئول معانا امام الله
سلام ايه بقى اللى انتا فرحان بيه دااا

وبعدين يابنى انتا محسسنى انك راضى عن الوضع العام ومستقر وفرحان بكدا
فرحان بالموظف اللى مرتبه مش بيكفيه لاخر الشهر ولا فرحان بايه بالظبط
وتقولى العيب فى الشعب لان ال ايه احنا بنختار اعضاء مجلس الشعب
هههههههه انتا متسمعش عن حاجه اسمها تزوير فى الانتخابات
تقدر تقولى اصلا كام واحد بيروح ينتخب الاالناس الى واخده رشاوى
وتقدر تقولى مين الى نجح ف الانتخابات الا لو كان مرضى عنه ومتوصى عليه من الجهات العليا
اوعى تكون فاكر اننا لو اختارنا حاجه هتتنفذ بحجة ان فى انتخابات لالالالالا دا كلام وحبر عل ورق
لو احنا ختارنا واحد يمشى مع نظام الحكومه اوك هينجح غير كدا لالالالا
اصلا محدش بيروح ينتخب وربنا ناس تتعد على الايدين
وتيجى ف الاخر تلاقى ارقام مهوله متفهمش بتيجى منين

احنا مش بنختار كل حاجه ومش كل حاجه بتمشى على حسب رغبتنا
لاننا لو بنختار كل حاجه كان زمان حاجات كتيره اتغيرت
ومكنش زمان فى احتجاجات ومظاهرات من كل فئات الشعب
الدكاتره بتتظاهر والمحامين بيتظاهروا والموظفين وكلووو بيتظاهر وبيحتج مش عاجبه
العيب اكيد فينا لان الحكومه دى مننا يعنى هيا الحكومه هتيجى منين ما الحكومه هيا شعب ف الاخر
ولكنها شعب مش عادى شعب اخد حقوق فو ق حقوقه
وخلى شعب تانى يتظلم ويحتج
بس العيب بردو ف الحكومه لانها دايما المسئوله وهيا الى تقدر تغير النظام مش احنا

على الرغم ان ف اميركا الشعب هو الى بيغير النظام
وبعدين خلينا كاتمين ليه متخافش انتا ردك كدا فى السليم
وهو دا اللى هما عاوزينه انتا كدا ف السلييييم المزيف!