السلام عليكم ورحمه الله وبركاته
ليه الوسطه والمحسوبيه سموها كوسه
ليه صحيح سموها كدا ....كوسه ...؟
اقولكم انا ليه
لو لينا حد في اي مكان وخلص لينا مصلحه بسرعه
نقول عليها كوسه
ليه اي طالب فاشل يتخرج يتشغل بسرعه جدا قبل اي حد تاني يستحق الشغل
عارفين ليه عشان له ضهر وحد مسؤل في البلد شغله بسرعه
وطبعا دي كوسه
وغيره وغيره .....
عارفين بقي السرعه في الوسطه والمحسوبيه دي بقي اسمها كوسه ليه
اقولكم
زمان في الارياف هومش زمان برده
دا لسه كدا لحد دلوقتي
فى أسواق الخضار
التجار والمزارعين يخرجوا للسوق بدري اوي
لحجز مكان لبيع الخضار
وكانوا بيقفوا فى طابور طويل
حتى يتم تحصيل الرسوم والسماح لهم بالدخول إلى السوق
وأحياناً يكون الجو حار جدا ودا طبعا غلط علي الخضار لانه
ممكن يبوظ من الحر والكتمه
والناس الوحيده الي كانت بتخرج من الطابور دا
هماً
تجار الكوسة
لأنها بتبوظ بسرعه ومش بتستحمل الحرارة والكتمه
فلما بقيه التجار تشوف بتوع الكوسه
خرجوا من الصف ودخل علي السوق علي طول
يرفعوا ايدهم ويزعقوا ويقولوا
كــــــوســــــة
عارفين كلامي دا معناه ايه
ان الناس اللي بتعتمد علي الوسطه والمحسوبيه
دول نهايتهم سريعه وبيعفنوا بسرعه
واللي بيجي سهل بيروح سهل اوووي
فياريت معنتمدش علي الوسطه ونعمل اللي علينا
ونجتهد في اي عمل بنعمله
ونسيب الباقي علي ربنا
بسم الله الرحمن الرحيم
ان الله لا يضيع اجر من احسن عملا
صدق الله العظيم
الأحد أكتوبر 04, 2009 10:35 am
