((( كرسى الاعتراف)) لجميع الاعضاء نرجوا منكم الدخول

بسم اللـــه الرحمن الرحيم
السلام عليكم ورحمة الله وبركاتة
اعضــــاء منتديات استار لاف

لكي يكون هناك تعارف عن قرب على اخواني واخواتي الاعضاء

خطر ببالى فكرة كرسى الاعتراف وهي فكرة متداولة في معظم المنتديات

يعني نختار عضو من اعضاء المنتدى ونخليه يجلس على الكرسي

واللي عنده سؤال للعضو الجالس على كرسي الاعتراف يتفضل يسأله

وكل الي عنده سؤال يتفضل يسأله للعضو

وبعد اذن الجميع انا ها اكون مشرف على الموضوع

يعنى انا ها اختارالعضو اللى ها يجلس على الكرسى

ها يكون مدة الجلوس على الكرسى خمسة ايام (5أيام)0

وكل الاعضاء ها تسالة وهو ها يجاوب ولازم تكون الاجابة صريحة

واول تم اخيارة هو العضو المميز بياع الورد

فليتفضل بياع بالرد على اسئلة الاعضاء

بداية من اليوم الاربعاء وحتى يوم الاحد

ولة حق اخيتار العضو الذى يجلس مكانة على الكرسى

تحياتى للجميع بالتوفيق

العربـــــــــــــــــــــــــــــــى

السلام علبكم
فكره ممتازه طبعا ومش تخرج الا من سبطره

بسم الله الرحمن الرحيم

أولا انا باشكر عربى على ثقته الغاليه بى

ودا فى حد ذاته وسام على صدرى

بجد ان تفاجأت انه اختارنى ودا تانى مره ثقه اعتز بها

كلكم هنا اخوانى وأخواتى

وانا لى الشرف انكم قبلتونى أخ ليكم هنا

ومع انى من يوم ما دخلت مكتوب وكل واحد هنا عارفنى كويس

وحاسس ان كلامى هايكون مكرر

لكن انا لى الشرف تالت مره انى اجاوب على اى سؤال تطرحونه

وانا مستعد

نقوووووووووووووووووول بسم الله وعلى بركه الله

ياله اللى عاوز يسأل

بس مافيش ورد مجانى اه
اللى اوله شرط اخره ورد

اتفقنا؟

تسلم عربي على الموضوع

منور كرسي الاعتراف بياع

أنا هبدأ واسأل ههههههههههههههه استعد بياع

ماهو شعورك وانت في كرسي الاعتراف ؟ مع الشرح بالتفصيل؟؟؟؟؟

دمعة سقطت من عينك ؟؟ من كان سببها؟؟

في لحظات الحزن العميق ... كيف تتغلب على حزنك ؟؟

- دولة تتمنى ان تسافر لها ؟؟

- لما تحس بالملل بتعمل ايه؟؟

مين قدوتك في الحياة ... وليه ؟؟!!

. ايه آجمل كلمه بحياتكـ ومن مين ..؟!:

أحلى أكلة بتحبها ؟؟

لو كان بيدك قلم ماذا تكتب ولمن تكتب ؟؟

ليه اخترت النيم ده ( بياع الورد ) ؟؟

سورى الاسئلة كتير شوية

مستنية الاجابات

تحياتى

_____________________

بسم الله الرحمن الرحيم
كل الاسئله سالتها نوران
لكن ممكن نسال بياع الورد ونقوله ليه اخترت اسم بياع الورد
كمان انت شايف الدنيا ازى وبتحلم بيها تكون ازى
كمان دراستك المجانى الى انت قولت عليها كانت ايه واستفاده منها فى حياتك ولا لاء
كمان سؤال محرج
اكتر حد حبيته فى حياتك مين واكتر حد حبيته فى المنتدى مين واكتر حد قراتله وحسيت انه اضافلك مينى المنتدى طبعا ومتقولش حبيت ولدى وولديتى والحاجات دى غيرهم ها
اخر شى بتتمنى من دنيتك ايه

بسم الله الرحمن الرحيم

اولا أشكرك نورااااااااان على تشريفك لى وباذن الله هاحاول اجاوب اسئلتك

1_ماهو شعورك وانت في كرسي الاعتراف ؟ مع الشرح بالتفصيل؟؟؟؟؟
طبعا انا سعيد جدا مش لانى على كرسى الاعتراف فقط لكن لانى وسط اخوانى واخواتى

اللى بحبهم جدا ((( باحس كده زى ما يكون ابوكم قاعد فى وسطكم) ههههههههههههه

2_دمعة سقطت من عينك ؟؟ من كان سببها؟؟

طبعا اعز دمعه سقطت من عينى المره دى وانا مسافر طبعا سببها العربى عارفه ههههههه

3_في لحظات الحزن العميق ... كيف تتغلب على حزنك

مش عارف هاتصديقينى ولا لا لكن لما بازعل اوى باحاول انام وبجد لما باصحى بالاقى ربنا هون عليا

4_دولة تتمنى ان تسافر لها ؟؟

بصراحه يا نوران انا كرهت السفر لكل الدول وعاوز ارجع واستقر فى مصر

5_ لما تحس بالملل بتعمل ايه؟؟

لما كنت باحس بالملل الاول بصراحه كنت باحاول اتمشى او اروح لاى صديق من زمان ماشفته

اهو تغيير يعنى لكن لوقتى لما باحس بالملل باعمل بنصيحه واحد صاحبى اوى وباقرأ قران

6_مين قدوتك في الحياة ... وليه ؟؟!!طبعا ودا قلته فى كل منتدى دخلته ان قدوتى وحبيبى هو عمى اللى ربانى

وليه؟ دا جمايله كتيره عليا ما ينفع احصرها هنا
7_
ايه آجمل كلمه بحياتكـ ومن مين ..؟!: هههههههههاجمل كلمه فى حياتى هاسمعها قريب بازن الله

من أجمل هبه فى الدنيا

8_أحلى أكلة بتحبها

هههههههههالاكله الوحيده المجبر عليها سواء حبيتها او كرهتها ( الكبسه)
9_
لو كان بيدك قلم ماذا تكتب ولمن تكتب ؟؟

ولو كان ليه؟ ماهو القلم فى ايدى 24 ساعه

باكتب بيه اسماء النزلاء والقادمين والمغادرين هههههههههههههههههههههههههه

بس اليومين دول يانوران باحب اكتب بكل لغات العالم ( هبه hebba

10-ليه اخترت النيم ده ( بياع الورد ) ؟؟

لبياع الورد قصه معى طبعا

لانى اكلت علقه جامده بسسب الورد دا

قلت وربى لابيعه ههههههههههه
حكيتها لناس كتير ولو مش خايف تملوا منى هاحكيها

متشكر جدا نوران
وانا عاجز عن شكرك

بسسسسسسسسسسسسسسسسمه

يسعدنى انى اجاوب على اسئله بنتى بسمه هههههههههههههههه

1_ ليه اخترت اسم بياع الورد
كمان انت شايف الدنيا ازى وبتحلم بيها تكون ازى اجاوبك

وانا كنت فى الابيدائى المجاااااااااااااانى كان جنب المدرسه جنينه ياسمين

بتاعه راجل غنى ( اعوز بالله منهم طبقه البرجوازيه) هههههههههههه

المهم الجنينه دى كان عليها سور عالى وكنا بنط السور ونسرق الياسمين

وفى يوم اسسسسسسسسسسود ياختى نطيت السور وزمايلى كلهم برا السور

لقيت اللى ما سكنى
غفير طويل وجته قلبنى بين صوابعه وربى انا كنت 27 كيلو بس هههههههههه

صحابى سمعوا صراخى طااااااااااااارو وانا اللى اكلت العلقه
بس الحق يتقال عشان ما اظلمش الغفير

ايده اتقل من الشاكوش ههههههههههههههههههه

بجد انا بحب الورد لكن عمرى ما هانسى انه كل ورده سرقتها معلمه على وشى لدلوقتى ههههههه

لكن يابسمه يابنتى هههه انا باحاول دايما انى ابص لنص الكاس المملوء
يعنى دايما باحب الدنيا ومش باحاول اركز على همزمهااااااااااا

وياريتها تفضل كده وررررررررررردى

3_دراستك المجانى الى انت قولت عليها كانت ايه واستفاده منها فى حياتك ولا لاء
كمان سؤال محرج
دراستى المجانى ليسانس اداب قسم اجتماع

كل الاستفاده اللى استفدت منها من دراستى انى لما روحت اتزوج بيسالونى معاك ايه قلت معايا اداب هههههههههههههههههههه

من يومهاا يابسمه يابنتى ما اسمعتش عنها لدلوقتى ولا حد جابلى سيرتها خالص
لدرجه انى خايف لتكون مزوره ههههههههههه

4_اياكتر حد حبيته فى حياتك مين واكتر حد حبيته فى المنتدى مين واكتر حد قراتله وحسيت انه اضافلك مينى المنتدى طبعا ومتقولش حبيت ولدى وولديتى والحاجات دى غيرهم ها
اخر شى بتتمنى من دنيتك ه

ههههههههههههههههه مش هاقول كده حاضر

اكتر حد حبيته فى حياتى وباموت فيه طبعا ودوخت وزقت الامرين عشان اخدها والله زوجتى

اكتر حد فى المنتدى ؟ حددى حد ولا حده؟؟ وبعدين اجاوبك هههههههههههههه

بجد من ايام ارسين لوبين ما قراتش لحد هههههههههههههههههههههههههه

لكن بالنسبه للمنتدى كلكم طبعا كويسين بس انا شايف واحد شكله هايضيف للمنتدى شئ
صفوت

مع انى ما اعرفوش لكن حاسس بده

والباقى طبعا عمالقه من اول العربى والجوهرى ورميس وكارلا واميره

وبنتى بسسسسسسسسسسسسسسمه

شكراااااااااااااااااااااااااا
_________________

الاخوة والصداقة بتعنى اية لبياع الورد
وسؤال مر عليا قريتو ليك مين من زميلك قالك اقراء قران لما تكوون محنوق ؟
وشكرا

امل حزين

افتكر انك اكتر واحده هنا عارفانى كويس وطبعا شفتى كل كلامى

الاخوه والصداقه عند بياع الورد هيا كل حياته

وانا عندى ابطل ابيع ورد لكن ما اقدر استغنى عن اخوانى واخوانى

واللى علمنى أقرأ قران برده لما اشعر بالملل انتى عارفاه كويس

بس فعلا انا اللى حزين

لكن دايمااااااااااااااا عندى (( أمل))

مشكور بياع على ردك
بس انت حزين لية وعلى اية على الصح ولا على الغط ولا على الدنيا والناس ولا هنسال سوال بسيط فين احنا من الصح والغلط وفين الصح اصلا هتجوبنى بياع

بيـــــــــــــــاااااااااع منور كرسى الاعتراف

وبجد قلبى معك من كتر الاسئلة

وتسلم على صراحتك ووضوحك فى اجابتك

ولو بقى تسمح لى اسالك

ها مستعد

يلااااااااااااااااااااااااااااا

> - صــف نفســـك بكلمتيـــن فقـــط..!

< 2> -مــاهــو الشــئ الذي ندمــت علــي عمـلــــه؟!؟

< 3> -كـلمـــة تمنيـــــت ان تسـتطيـــع سحـبهــــا؟!؟

< 4> -آخـــر شخـــص تتـــذكــــره قبـــل أن تنـــــام؟!؟

< 5> -جــريمــة تتمنـــي لـــو تستطيـــع ارتكابهــــا؟!؟

< 6> -حمـامة زاجـــل حاملـــة رســالة لـك,,,من من تتمنـى ان تكــون؟!؟

< 7> -شخـــص لطــالما حـــلمـــت بــــه؟!؟

< 8> -دمـعـــه انـذرفــــت رغـمــاً عنـــك؟!؟

< 9> -مـوقـــف صــدمــك ولــن تنســــاه؟!؟

<10> -شـخــص تتمنــي الإنتقــام منـــه؟!؟

<11> -شــئ او عمــل لا تستطيــع مســامحته؟!؟

<12> -شــئ او شخــص غيــّر مجــري حياتـــك؟!؟

<13> -حلم لا تستطيـــع تحقيقه؟!؟

<14> -كلمة تود سماعها كل يوم؟!؟

<15> -القمر-الشمس-النجوم...........ايهم تفضل والسبب؟!؟

!!! روميسااااااااء !!!

فين احنا من الصح والغلط وفين الصح اصلا هتجوبنى بياع يظهر كده يا امل ان الصح والغلط بقوا مسأله نسبيه كل واحد بيفسرهم على مزاجه

لا حول ولا قوه الا بالله

( ما عندى غير الاجابه دى يا أمل

روميس انا طبعا يشرفنى انى اجاوبك على كل حرف مش كل سؤال؟

1_ - صــف نفســـك بكلمتيـــن فقـــط

بياع الورد

بيتهيألى مافيش وضوح اكتر من كده روميس

2_-مــاهــو الشــئ الذي ندمــت علــي عمـلــــه؟بصراحه يا روميس اللى ندمت عليه هو انى سافرت وبالذات المره دى وانشاء الله تكون اخر مره

3_-كـلمـــة تمنيـــــت ان تسـتطيـــع سحـبهــــا؟!؟

سر لواحد هنا فى الشات حكيته لواحد كنت فاكره أهل للثقه ودا كان سبب خروجى من النت فتره طويله وياريتنى ما قلتها له بجد

4_آخـــر شخـــص تتـــذكــــره قبـــل أن تنـــــام؟!؟

اليومين دولت بالذات دايما قدام عينى صوره لاجمل بنت فى الدنيا هاعرفكم بيها قريب قوى

5_-جــريمــة تتمنـــي لـــو تستطيـــع ارتكابهــــا؟

بجد ياريتنى اقابل الراجل اللى اخترع النت هاقتله كل يوم الف مره

6_-حمـامة زاجـــل حاملـــة رســالة لـك,,,من من تتمنـى ان تكــون؟!؟

من زوجتى تزف لى اسعد خبر فى الكون

7_-شخـــص لطــالما حـــلمـــت بــــه؟
والله دى امى يا روميس غصب عنى كل يوم معها فى الحلم

8_-دمـعـــه انـذرفــــت رغـمــاً عنـــك؟!؟

اصعب دمعه خرجت منى وقت ما دخل عليا صاحبى يعاتبنى يا روميس
9_مـوقـــف صــدمــك ولــن تنســــاه؟

نفس الموضوع السابق طبعا دا عمرى ماهانساه وياريته هو ينسى ويريحنى

10_شـخــص تتمنــي الإنتقــام منـــه؟

الانتقام؟؟ عمرى ما فكرت ولا هافكر فى الكلمه دى خالص يا روميس

11_شــئ او عمــل لا تستطيــع مســامحته؟!؟ وربى طول عمرى مسامح كل الناس ودا من تفضل على حد عشان كلنا بشر وكلنا خطائين
اتمنى بس اللى ظلمته او تصور انى ظلمته يسامحنى

12_ -شــئ او شخــص غيــّر مجــري حياتـــك؟

هههههههههه اللى هايغير مجرى حياتى جاى وانا منتظره ههههههههه

13_حلم لا تستطيـــع تحقيقه؟

دا مش حلم واحد ياروميس ههههههههههه يا اختى حاجات كتير اوى معصلجه قدامى

وشكلى كده مش هاحقق اى حاجه منها هههههههه

14_-كلمة تود سماعها كل يوم؟

بابا بابا با با باااااااااااااااااااااااااااااااااابا

15_القمر-الشمس-النجوم...........ايهم تفضل والسبب؟!؟

بحب القمر اوىهههههههه بس مش قمر مكتوب ههههه ماحدش يفهمنى صح ههههههه

النجوم بحبها بس جانى اللى خلانى اعد النجوم فى عز الظهر ههههههههههه

والشمس فى الوقت دا بتكون حر اوووووووووووووووى

عشان كده ما بحب الشمس ههههههه

ششششششششكراااااااااااااااااااااااااا للغليه روميس

تسلم ايدك بيـــــــــــــــــاااااااااااع على اجابتك الصريحة

وزى ما بيقولوا الكلام الصادق اللى بيخرج من القلب

بيوصل للقلب بسرعة

واتمنى تكون اسئلتى كانت خفيفة على قلبك

وباجابتك دى تستاهل الفانوس اللى انت عوزنى اجبهولك

وكمان مش بيغنى لا بيطلع منه العفريت كمان

تسلم بياااااااااااع ودايما منور

!!! روميساااء !!!

((( كرسى الاعتراف)) لجميع الاعضاء نرجوا منكم الدخول Masrawycafe-1474f14cf4

ههههههههههههههههههه

لا والنبى روميس بلاش العفريت والنبى انا باخاف من العفاريت

وربى شكلك عاوزه تخلصى منى يالهوووووووووووووووووووووووووووووووووووى

بابا بياع ازيك وايه الجمال ده
شكرا لعربى عل اختراع الكرسى الجميل ده عشان خلنا عرفنك اكتر وقربنا منك اكتر
وبعدين انت من اليوم مش بياع الورد انت حرامى الوردهههههههههههههههههه
ربنا يخليلك زوجتك ويبعتلك بنوتك بسلامه بس مش تنسا السبوع
عارف الدنيا حلو اوى لما نعشها مع الى بنحبهم
اوعا تسافر تانى
خد شويه الورد ده عشان انت صعبت عليا ومتسرقش ورد تانى ق ((( كرسى الاعتراف)) لجميع الاعضاء نرجوا منكم الدخول 103

((( كرسى الاعتراف)) لجميع الاعضاء نرجوا منكم الدخول 103

((( كرسى الاعتراف)) لجميع الاعضاء نرجوا منكم الدخول 101

((( كرسى الاعتراف)) لجميع الاعضاء نرجوا منكم الدخول 136

ولى وانا اجبلك

مشكور بياع ؟

ربنا يكرمك يابسمه يابنتى

وانشاء الله مش هايكون سبوع؟ قولى سبوعين او تلاته هههههههههههه

وانا يا اختى اللى لى الشرف بمعرفتكم وصحبتكم الجميله دى

....................................................................................................................

اما انتى يا امل حزين بصراحه مش فاهم ليه علامه الاستفهام دى؟

انا يا اختى مش عاوز حياتنا كلها تبقى علامه استفهام

لو كان فى كلامى اى غموض نبهينى وانا مستعد للتوضيح

شكرا لك امل

شكرا لك بسمه يابنتى

بلاش اعلق بياع خلينى اسكت احسن بيقلو السكوت اسمى معانى الكلام صح ؟

السكوت بيكون احيانا مش صح يا امل

لو شايفه ان كلامى غلط مش لازم تسكتى

( لان الساكت عن الحق شيطان اخرس)

وانا من خلال اخوتنا الطويله عارف انك ما بتسكتيش عن الحق

مش كده ولا ايييييييييييييييييييييييييييييييييييه؟

انا كده ازعل اوى انا كتبت موضوع
راح فين بجد انا ازعل
عشان كان حلو اوى وكان نفسى بياع يشوفه
وبصراحهانا نسيت الكلام الى كتبته ومش هعرف اكتبه تانى
الكلام كان مكتوبلك يبياع اتصرف ورجعه
كده يابابا بنتك يتشال كلامها وانت موجود

يابسمه يابنتى وجودك معنا فى المنتدى يغنى عن كل كلام

وأقوى من أى عبارات ممكن تتكتب

مش لازم ندور على حد يرجع بعض السطور التى كتبت

طالما الاصل موجود فالبسمه دايما موجوده

منورانى دايما يابنتى

بسمه

انا طبعا ما يرضينى ان اى بنت من بناتى تزعل

او يتشال لها ولا كلمه ولا حتى حرف يابسمه

لكن يابنتى انتى عارفه ابوكى بيرفض كل محاولات الاشراف

وبيحب يكون بياع ورد متجول فى كل الاقسام

الموضوع دا يترفع للجوهرى

او العربى

وأكيد دا خطا غير مفصود لان الاداره هنا ناجحه

وأكيد مش هاتفوت الخطأ دا

على الاقل يا ادمن عليكم ان تراضوا كل بناتى والا ها خدهم وامشى

وبكره تشوفى العربى والجوهرى هايعملو ايه

منور بياااااااع

بهنيك بياع انك استحملت كل الاسئلة دى وجاوبت عليها بصراحة

بس عايزين منك حاجة كمان

ياريت بطاقتك الشخصية بالمرة

يعنى

اسمك :

سنك :

مكان الاقامة :

وكده يعنى

وياريت كمان صورتك ورقم البطاقة

هههههههههههههههه

ههههههههههههههههههههه

دى مش نونو يا جماعه

دى شكلها مخابرات بقه؟

بس ولو يانوران

انتى تأمرى

بس ياريت البيانات دى تكون سريه ههههههههههههه

اسمى............ بابا ابراهيم 1979

متزوج وباذن الله يعول قولى كده عشره او عشرين ادعيلنا انتى بس

عشان اسمى البنت اللى بعد دى نونو ههههههههههههههه

بالنسبه لصورتى كتير هنا شافوها

بس انا عشان انتوا بناتى خايف عليكم من الخضه قمت حجبتها مؤقتا من على الاميل

شغال فى السعوديه

انا كده بقه بيتهيالى جاوبتك على كل كلمه

لكن باقى حاجه واحده بس مش فاهمها

كده بقه ( دى مفتوحه مش محدده يانونو)

بردوا لسه قدامى يومين لو حد من اولادى عاوز حاجه انا مستعد

» نرجوا من جميع الاعضاء الدخول للاهمية
» شاركونا فى تحليل شخصية الاعضاء من هو ومن هى
» ارجو من كل الاعضاء والمشرفين بالدخول للاهمية
» أرجو من الجميع الدخول .. سؤال لطيف ..
» بالله عليك تدخل ارجووو الدخول من الجميع